Қазақстанда жаңа кәсіби мереке бекітілді

Биылдан бастап 29 қазанда Қазақстан кәсіпкерлері күні аталып өтеді. Бұл туралы Ұлттық экономика министрлігінің баспасөз қызметі хабарлады.

Айта кетейік, елімізде алғаш рет 2015 жылғы 29 қазанда ҚР Кәсіпкерлік кодексі қабылданған еді.

Бүгінде 2 миллион 300 мыңнан аса бизнес субъектісі тіркелген. Жыл басынан бері 288 миллиард теңгеге 2 мыңнан астам жоба субсидияланып, 61 миллиардқа 737 жобаға кепілдік берілді. 9 мыңға жуық кәсіпкер оқытудан өтті.