Аудан көлеміндегі білім беру ұйымдарының жай-күйі туралы

Мемлекеттің  басым  міндеттерінің бірі  балалар мен  жасөспірімдер  үшін  білім беру  объектілерінде  тәрбиелеудің,  оқытудың,   демалудың қауіпсіз жағдайларын қамтамасыз  ету  болып  табылады. Ауданымызда  2026 жылы жалпы білім беретін мектептер саны - 48, 1 облыстық мамандандырылған мектеп-лицей-интернат бар, барлығы- 49 мектеп, оның ішінде қаладағы мектеп саны - 11, елді- мекендегісі - 38. Оның  ішінде бір  ауысымда -19 мектеп,  2  ауысымда- 30  мектеп оқиды, 3  ауысымда  оқитын  мектеп жоқ.Аудан  көлеміндегіжалпы білім беретін 48 мектептің барлығында ыстық  тамақ  беріледі.  

Елбасы өзінің жолдауында оқушылардың сапалы білім алуы үшін мектептердің санитариялық-техникалық жағдайын жақсарту керектігін, оның ішінде, ең бірінші кезекте апаттық жағдайда тұрған мектептерді қалпына келтіруді тапсырған болатын.

Қазіргі таңда аудан көлемінде апаттық  жағдайда  тұрған мектеп жоқ, Сапақ елді-мекеніндегі мектеп заманауи талапқа сай  ғимарат  салуды қажет етеді, 3 мектеп  жанындағы интернат: Сексеуіл  кентіндегі №87, Қамыстыбас елді-мекеніндегі №21, Аманөткел  елді-мекеніндегі №73 орта мектептер жанындағы интернаттар күрделі жөндеу жұмыстарын жүргізуді қажет етуде.

Арал ауданы, Тоқабай  елді-мекеніндегі қыркүйек  айында  пайдалануға берілген №248 орта  мектеп, мектеп жанындағы медициналық  пункт, мектеп жанындағы асхана және Жалаңаш  елді-мекенінде  қаңтар айында  пайдалануға  берілген  №58 орта  мектеп, осы  мектеп жанындағы асхана мен медициналық  пунктзаң талаптарын  сақтамай, талаптарға сәйкестігіне санитариялық-эпидемиологиялық  қорытындыларын алмай  жұмыс жасауда. Қазіргі  таңда  аудан  бойынша  осы 6  нысан  талаптарға сәйкестігіне  санитариялық-эпидемиологиялық қорытындысыз  жұмыс  жасауда.

Арал қаласы мен Сексеуіл кентінде орналасқан кейбір мектептердегі тығыздылық  мәселесін  жою  мақсатында  жаңадан салынған келешек мектептер қатарындағы Арал қаласында  орналасқан  300 орындық №292 жайлы мектепке және Сексеуіл  кентінде орналасқан 300 орындық №294 жайлы мектепкежәне осы аталған мектептер  жанындағы  медициналық  пункттер мен асханаларға Арал аудандық санитариялық-эпидемиологиялық бақылау басқармасы тарапынан талаптарға сәйкестігіне  санитариялық-эпидемиологиялық қорытындылары берілді.

Аудан көлеміндегі мектептердің орталықтандырылған су жүйесімен  қамтылғаны- 46 мектеп, 3 мектеп (№59 Қарақұм, №230 Жіңішкеқұм, №60 Сазды,) құдық  суымен қамтамасыз  етілген, 1-уі  тасымалды сумен (№77  Құланды орта мектебі) қамтамасыз  етілген.

Аудан  көлеміндегі  білім беру  объектілерінің барлығы ішкі  санитарлық  тораптармен қамтамасыз  етілген.

Аудандағы №21 Қамбаш, №72 Райым, №263 Шөміш елді мекендерінің мектептерінде шеберханаға жәй бөлмелері қаралғанымен, арнайы жабдықтармен жабдықталмаған.№72 орта мектептеспорт зал және  қыз балалар мен  ер балаларға арналған шеберханалар  қаралмаған.

Аудан көлемінде  бала саны бойынша тығыздылықпен №13, №21 орта мектептер жұмыс жасап жатыр, яғни оқу кабинеттерінде санитариялық  қағида  талаптары бойынша  әр балаға 2,5 ш.м  болу шарты сақталмауда.

Ауданда лас су тазалау үшін №281 мектепте ассенизациялық автокөлік қаралған, қалған мектептер мемлекеттік сатып алу жұмыстарын жүргізіп, жеке кәсіпкерлермен келісім шартқа отырған.

Сонымен  қатар, Қазақстан  Республикасы Денсаулық  сақтау министрінің  2023  жылғы 7 сәуірдегі №62  бұйрығымен  бекітілген  «Өндірістік  бақылауды  жүзеге  асыруға қойылатын санитариялық-эпидемиологиялық талаптар» санитариялық  қағидасы  бойынша тағам  өнімдерінің  қауіпсіздігін қамтамасыз  ету  мақсатында  аудан көлеміндегі 49  мектептің ішінде36 мектеп ҚР ДСМ ҚДСК ҰСО Қызылорда облыстық филиалы Арал аудандық бөлімшесімен өндірістік  бақылауға келісім-шартқа отырған, қалған 13 мектеп отырмаған.

А.Сатекеева,

Арал аудандық санитариялық-эпидемиологиялық

бақылау басқармасы басшысы