Тель-Авивте "Евровидение-2019" басталды

Нұр-Сұлтан, BAQ.KZ. "Евровидениенің" 64 ән байқауы Израильдің ірі қалаларының бірінде өтіп жатыр. "Евровидение-2019" халықаралық ән байқауы жексенбіде Тель-Авивте басталды. Бұл туралы Израильдің «Кan» хабар тарату компаниясының интернет-ресурсы хабарлады. Басылымның ақпараты бойынша мерекелік іс-шара дәстүрлі түрде "қызыл кілемнен" басталды. 41 мемлекеттің өкілдері қала орталығындағы Габима театры алдындағы алаңмен жүріп өтті. Евровидение өтетін аумақта 4 үлкен экран, 85 гастрономиялық шатырлар және ұзындығы 100 метрлік бар орнатылды. 
Шоудың ән айту кезеңі екі тәуліктен кейін басталады. Жартылай финалдар Тель-Авивтің көрме орталығында 14 және 16 мамыр күндері өтеді. 
Биыл байқауға Ресей Федерациясынан әнші Сергей Лазарев "Scream" әнімен қатысады. Ол 2-ші жартылай финалда 13 номерімен өнер көрсетеді. Лазарев бұл байқауға 2016 жылы да қатысқан. Ол кезді ресейлік әнші көрермендерден жоғары балл алғанымен,  қазылар тарапынан тиісті бағасын ала алмады. 

BAQ.KZ