Өлеңнің жүйрік дүлдүлі

Өткенімізге ой жүгіртіп, бола­ша­ғымызға бағдар көрсету, асыл қа­зы­намызды жас ұрпаққа насихат­тау–әрбір адамзаттың парызы.Осыған байланысты қалалық №1 және №3-ші кітапхананың  ұйым­дас­тыруымен жергілікті ақын-жазу­шы Мешітбай Құттықовтың шығар­ма­шылығына арналған «Өлеңнің жүй­рік дүлдүлі» атты жыр кеші өткізілді. Әдебиет жанрының барлық түріне қалам тербеген ақынның шы­ғар­ма­шылығына арналған шараның шы­мыл­дығы ақынның өмір есте­лік­терімен түрілді. Шараның ашылу сөз кезегі ақынның қызы  Мирамкүл  апай­ға берілді.Мешітбай Құттықов – бірнеше үкі­меттік медальдардың, облыстық, республикалық грамоталардың ие­ге­рі. Арал ауданының құрметті аза­ма­ты, қазақ тілінің жанашыры М.Құт­ты­қов өмірінің ақырына дейін ау­дан­дық «Қазақ тілі» қоғамы­ның төра­ға­лығымен бірге, «Асыл мұра» газетін шығарып, оның редак­торы қызметін қоса атқарды. М.Құт­ты­қовтың шығармашылығы, өмірі тү­гел­дей дерлік Арал өңірін жыр­лауға арналды. Бұл салада көп­те­ген өлеңдері, «Дерт-дастан» ат­ты көлемді публицистикалық поэ­ма­сы жарық көрді. Арал теңізіне бай­ла­нысты тарихи оқиғаларды халық­қа, болашақ ұрпаққа жеткізуде ақын­ның еңбегі зор. М.Құттықов–ақын, жа­зушы, жалынды публицист, әде­биет зерттеушісі және қоғам қай­рат­кері ретінде республикада және одан тысқары аймақта да елге танымал  қаламгер. Сол ару да шалқар теңіздің ұлтанының құрғап қалғанын көрген ақын: 
Жете алмай келем жағаға,
Жол салып теңіз түбімен.
Жалғыздан жалғыз шағала,
Төбемнен төмен үңілген» – деп жырлап, туған жерге  деген ыс­тық сезімін осылай жеткізіп еді.
Осыған байланысты шарада «Арал­­ды сүю керек қайтқанда да» ат­ты  бейнебаян  көрсетілді. Шара  ба­ры­сында кеш қонағы, өлең өлкесінде бірге жүрген сыйлас інілерінің бірі Ерғали Абдулла аға ақынның са­налы ғұмырында жасаған ерен еңбектерін ортаға салып, есте­лік­те­рімен бөлісті. Жыршы-термеші Ай­на Тұяқова, Гүлжамал Бейісовалар жыр­дан  шашу  шашып, №260 мек­теп оқушылары Мешітбай ақын­ның  өлеңін жатқа оқыды. Кітап­ха­на­ның тұрақты оқырманы Ж.Дә­рім­бетов ақын  шығармасына  кеңі­нен  тоқталды. Шара соңында  ау­дан­дық  мәдениет және тілдерді дамыту бөлі­мі­нің  бас маманы С.Дәрібаев, ау­дан­дық орталықтандырылған кітап­ха­на­лар жү­йесінің оқырманға қыз­мет ету бөлімінің меңгерушісі М.Ақ­мыр­заева кешке қатысушы оқыр­ман қауымға  алғысын  жеткіз­ді. Кі­тап­ха­нашы  Б.Әбілдаева  «Хал­қымның  сүйікті  қаламгері» атты  кі­тап  көр­месімен таныстырды. Кеш қо­нағы  М.Құттықова кітапхана қорына сый­ға ақын-жазушы, марқұм әкесі М.Құттықовтың  бірнеше кітаптарын тарту етті. Ақын Мешітбай Құт­ты­қов­ты еске алуға арналған кеш соңы концертке ұласты.
АқгүлЕржетқызы,
қалалық №3 кітапхана меңгерушісі