Толқын Арал аудандық қоғамдық-саяси газет
» » ЖЕРЛЕСІМІЗ ЖҮЛДЕМЕН ОРАЛДЫ

ЖЕРЛЕСІМІЗ ЖҮЛДЕМЕН ОРАЛДЫ

Елбасымыз Н.Ә.Назарбаевтың «Болашаққа бағдар: рухани жаңғыру» атты мақаласында айтылған идеялардың аясында халқымыздың тереңде жатқан тарихына көз жіберіп, ұлттық жадымызды жаңғыртуға ел болып атсалысу – бәріміз үшін үлкен міндет. Қазақ даласында елдің қарыштап өсіп, кемелденуіне өзіндік үлес қосқан, елі мен жері үшін жан аямас дара тұлғалар көп. Солардың бірі – қазақ сөз өнерінің биік шыңы, бас ақынымыз Абай Құнанбайұлы. Жаһандану үдерісінде өскелең ұрпақтың бойына ұлттық құндылықтарымызды Абай ұлағаты арқылы сіңірер болсақ, олардың болашағына сенімді бола түсеміз. А.Құнанбайұлының терең мағыналы философиялық ойлары мен салмақты қара сөздері – жастар үшін рухани тәрбиенің қайнар көзі. «Тәуелсіз ел жастары» қоғамдық қорының ұйымдастыруымен Алматы қаласында 2018 жылдың 23 ақпаны күні «Абайдың асыл мұрасы» атты республикамыздағы мектеп оқушылары арасында Абай Құнанбайұлының қара сөздерін мәнерлеп оқудан сайыс өткізілді. 
«Абайдың асыл мұрасы» республикалық сайысына Арал ауданынан Бекбауыл елді мекеніндегі №65 орта мектебінің 9-сынып оқушысы Сәбитқызы Әйгерім қатысып, жүлделі ІІІ орынды иеленді. Еліміздің барлық өңірінен келген талантты 300 оқушының арасынан оза шауып бәйге алған оқушымызды мақтан тұтамыз! Ақынның ғибратқа толы 45 қара сөзін жаттап, зор қабілетін көрсете білген Әйгерімді үлкен додаға дайындаған жетекшісі, мектептің қосымша білім беру педагогі – Л.Сақтағанованың еңбегі зор.
Дерекөзі:Аудандық білім бөлімі facebook парақшасында.
27 ақпан 2018 ж. 605 0