БОКС ТУРНИРІ МӘРЕСІНЕ ЖЕТТІ

Бокстан Арал ауданының белгілі азаматы, меценат, облыстық маслихаттың екі шақырылым депутаты Тоғыс Махамбетжанұлы Жұмашевты еске алуға арналған 2006-2007 жылдары туылған жасөспірімдер арасындағы республикалық турнир мәресіне жетті. Төрт күнге созылған шаршы алаңдағы шайқаста 15 салмақ дәрежесінде мықтылар анықталды.Биыл алтыншы рет еліміздің әр түкпірінен сайдың тасындай іріктеліп келген жасөспірімдердің басын біріктірген додада көршілес Өзбекстан республикасының былғары қолғап шеберлері де бақ сынады. 
Турнир қорытындысында 32,38, 40, 54 келі салмақ дәрежесінде – Арал ауданының спортшылары Асанжан Ислам, Бекзат Сержанұлы, Бекзат Көптілеуов және Нұржаубай Әлішер, 34, 46 келі салмақ дәрежесінде –Өзбекстан республикасынан Ильхом Ергашов және Асадбек Нематов, 36, 42, +58 келі салмақ дәрежесінде – Ақтөбе облысы, Хромтау ауданының тумалары Төреғали Мереке, Алихан Рауан және Аманғали Айталы, 44 келі салмақ дәрежесінде – Қызылорда қаласынан Бахтияр Саят, 48, 50 келі салмақ дәрежесінде – Қармақшы ауданынан Жеткерген Абдулхамит және Қорғанбек Мирас І-орынды жеңіп алды. 
Жалпы боксшы жеңімпаздар сайыс қорытындысымен Арал ауданы әкімінің арнайы дипломы және медалімен марапатталып, Жұмашевтар әулетінің қаржылай сыйлығына ие болды.