Казіргі таңда мемлекеттік мекемелерде мемлекеттік қызмет көрсету, мемлекеттік қызмет көрсету стандарттары негізінде жүзеге асырылады. Сондықтан ветеринария саласы бойынша ҚР Ауыл шаруашылығы министрлігінің 2015 жылғы 6 мамырдағы № 7-1/418 бұйрығымен «Ветеринария саласындағы мемлекеттік көрсетілетін қызметтер стандарттары» бекітілген.  Экспорттау кезінде орны ауыстырылатын (тасымалданатын) объектілерге ветеринариялық сертификат беру үшін өтінішті қабылдау ҚР АШМ Ветеринариялық бақылау және қадағалау комитетінің Арал аудандық аумақтық инспекциясының Бас мемлекеттік ветеринариялық-санитариялық инспекторы және оның орынбасары арқылы жүзеге асырылады немесе электронды түрде өтініш берген жағдайда «электрондық үкіметтің» веб-порталы: www.egov.kz, www.elicense.kz (бұдан әрі – портал) арқылы беріледі.

     Мемлекеттік қызмет алушы құжаттар топтамасын тапсырған күннен бастап 3(үш) күн ішінде қызмет көрсетілуі тиіс. Инспектордың мемлекеттік қызмет көрсетуінің ұзақтығы 30 (отыз) минут. Ал құжаттардың толық немесе толық еместігін тексеру мерзімі 2(екі) күн. Егер өтініш беруші тараптан тапсырылған құжаттар толық болмаса, қызмет көрсетуші жазбаша түрде құжатты қабылдаудан бас тартады. 

    Ветеринариялық сертификат электронды түрде рәсімделіп, арнайы бланкіде шығарылып, нәтижесі қағаз түрінде беріледі. Қызмет алушы  бланкі үшін екінші деңгейдегі банктерге немесе почта арқылы құнын төлейді. Кеден одағы елдеріне берілетін №1 формадағы сертификат бланкісінің құны 153 тг 72 тиын, № 2 формадағы бланкі үшін - 186 тг 76 тиын, № 3 формадағы бланкі үшін 153 тг 72 тиын. Ұлттық ветеринариялық сертификат бланкісінің құны №1 формадағы бланкі үшін – 95 тг 48 тиын, № 2 форма үшін – 59 тг 64 тиын,  №3 форма үшін 77 тг 84 тиын.

     Мемлекеттік қызметті алу үшін  төмендегідей құжаттар тапсыру қажет:

- Қосымшаға сәйкес көрсетілген нысан бойынша өтініш;

- Жеке басын куәландыратын құжат;

- Өнімдер мен шикізаттарды тасымалдаған кезде ветеринариялық зертхана берген сараптама актісі;

- Тірі жануарлар тасымалдағанда ветеринариялық паспорт көшірмесі;

- Ветеринариялық сертификат бланкісі үшін төленгендігін растайтын құжат (квитанция)

      Мемлекеттік қызметті көрсетуден бас тарту тапсырған құжаттар тасымалданатын объектіге сәйкес келмеген жағдайда; тасымалдайтын көлік құралының ветеринариялық талаптарға және қауіпсіздік қағидаларына сай келмегенде; тиісті аумақтағы эпизоотиялық ахуалды ескере отырып, орны ауыстыралытын объектіні экспорттауға рұқсат болмаған жағдайда жүзеге асырылады.

   Экспорттау кезінде тасымалданатын объектіге ветеринариялық сертификат алу үшін Арал қаласы, М.Садибеков көшесі, № 118 ғимаратында қызмет көрсетіледі. Байланыс телефондары: 2-19-51.

    Алдағы уақытта кәсіпкерлер мен жеке тұлғаларға мемлекеттік қызметтер көрсетудің сапасын арттыру ветеринария саласы мамандарының басты міндеті болып қала бермек.