"Салмағы ауыр болады": Жандарбек Бекшин қолдан жасалған оқулықты алмауға кеңес берді
Еліміздегі мектеп оқушыларына жас ерекшеліктері бойынша көтеруге рұқсат етілген салмақ мөлшерлемесі бар. Арнайы дәрігерлердің зерттеуі нәтижесінде ұсынылған мөлшерлеме қатаң түрде қадағаланып, кітап салмағын соған лайықты етіп шығару қолға алынған. Мектеп оқулығының салмағы 1-4 сынып оқушылары үшін 300 грамнан, 5-6 сыныптар үшін 400 грамнан, 7-9 сыныптар үшін 500 грамнан және 10-12 сыныптар үшін 600 грамнан аспауы тиіс екенін баспасөз конференциясында бас мемлекеттік санитариялық дәрігер Жандарбек Бекшин айтты. Ол қолдан жасалған кітаптарды қолданбауға кеңес берген."Кез келген өнім сияқты оқулықтар да қолдан жасалатынын атап айту қажет. Әдетте, мұндай өнім қаланың базарларында сатылады, бағасы өндірушінің бағасына қарағанда анағұрлым арзан. Пайдаланылған қағаздың сапасы төмен, оның әріптері бұлдырап көрінеді, сондай-ақ оқулықтың салмағы ауыр болады", - деді Жандарбек Бекшин.
Ата-аналар арзан, қолдан жасалған кітаптарды байқаса, бірден арнайы мекемелерге жүгініп, балаңыздың арнайы мөлшерлемеге сәйкес кітаптар оқығанын қадағалаңыз дейді ол. Осылайша қолдан жасаған кітаптардың зияны туралы айтты Бекшин.
"Жыл сайын оқушыларға оқулықтар 1 қыркүйекке қарай беріледі, сондықтан құрметті ата-аналар, салмағы артық кітаптар анықталған жағдайда 74-18-64 телефоны арқылы немесе Комитеттің сайтына хабарлауды сұраймыз", - деді ол.
