Толқын Tolqyn.kz ақпараттық агенттігі
» » Кәсіп тапқанға нәсіп бұйырар

Кәсіп тапқанға нәсіп бұйырар

    Ел әлеуетінің біркелкі дамып, тұрмыс-тіршілігімізде берекенің орнығуы биік мақсатқа бағытталған батыл шешімге де байланысты. Бұл ретте еңбек етемін деген азаматтың ерік-жігерін еселеп, қолдау білдіретін қанатты жобалар қатары көбейіп келеді.   Мемлекет басшысы Қасым-Жомарт Тоқаевтың бүгінгі халыққа арналған алғашқы Жолдауы кәсіпкерлер үшін жағымды жаңалықтарға толы болды. Кәсіпкерлік – экономиканың басты көзі. Соңғы кездері мемлекетімізде кәсіпкерлікті қолдау мен дамыту бағдарламасы аясында шағын және орта бизнесті өркендетуде жастардың белсенділігі байқалады. Олай дейтінім, мен жас кәсіпкерлердің бірімін, кәсіпкерлікті бастағаныма 3 жылдың көлеміндей болды. Әсіресе, Президенттің «Жұмыс берушінің жұмысшыға қосымша 5 пайыз зейнетақы аударуы 2023 жылға шегерілді», – деген сөзі кәсіпкерлердің еңсесін көтеріп тастады. Сонымен қатар, Ұлттық палата өз кезегінде кәсіпкерлерді, қауымдастықтарды, тәуелсіз сарапшыларды тарту арқылы мәселені жан-жақты талқылауға да шақырды.
   Мемлекет басшысының Жолдауы кәсіпкерлер үшін тиімді, әрі нәтижелі болары анық. Ел президенті осы қадамдар арқылы елімізде кәсіпкерлікті қолдау алдағы уақытта да жан-жақты жүргізілетінін көрсетті. Жолдау кәсіпкерлер үшін осынысымен айрықша. Мен жастарды мемлекет басшысының идеяларын қолдауға шақырамын. Себебі, кәсіпкерлік халықтың жағдайын арттырумен қатар, жұмыс орындарының ашылуына септігін тигізеді.
Елнұр Елшекенов,
«Қожағұл ата» шаруа қожалығының төрағасы.
02 қыркүйек 2019 ж. 1 547 0