ЖЕҢІМПАЗДАР ҚҰРМЕТ ТӨРІНДЕ

Бүгін аудан әкімі М.Оразбаев «Бастауыш ұйым - партия тірегі» атты тақырыпта ұлттық спорт түрлерінен бастауыш партия ұйымдары арасында өткізілген турнир жеңімпаздарын арнайы қабылдады.

Еске сала кетсек, жуырда «Nur Otan» партиясының 20 жылдығына орай облыстық деңгейде бастауыш ұйымдар арасында «Тоғызқұмалақ», «Қол күресі», «Асық ату», «Бес асық», «Арқан тарту» сынды спорт түрлерінен турнир ұйымдастырылған болатын.
Аталмыш жарысқа Арал аудандық филиалы атынан «Сарбұлақ» бастауыш партия ұйымы қатысып, жүлделі екінші орынды иеленіп, 100 мың теңге қаржылай сыйлықпен марапатталды.

Осы орайда, аудан намысын бермей, үздік үштікке енген «Сарбұлақ» бастауыш партия ұйымы мүшелерін аудан әкімі, «Nur Otan» партиясы Арал аудандық филиалы төрағасы М.Оразбаев облыстық Алғыс хатпен марапаттап, жылы лебізін білдірді.