Аудан тұрғындарының назарына!

«Байқоңыр» әлеуметтік кәсіпкерлік корпорациясы және Арал ауданы әкімдігінің ұйымдастыруымен 2022 жылдың 5 ақпан күні сағат 09:00-де Арал қаласы, Жылқаман батыр көшесі «Sulpak» электроника дүкені алдында, әлеуметтік маңызы бар азық-түлік өнімдерінің жәрмеңкесі өткізіледі.

Жәрмеңкеде «Байқоңыр» әлеуметтік кәсіпкерлік корпорациясы (өңірлік тұрақтандыру қоры) тарапынан аудан тұрғындарына арзан бағада картоп, басты пияз, асханалық сәбіз, қарақұмық жармасы, макарон өнімдері және бірінші сұрыпты бидай ұны ұсынылады.

Сонымен қатар, жәрмеңкеде ауданымыздың шаруашылық құрылымдарының ет және балық өнімдері сатылатын болады.

Жәрмеңкеге асыға келіңіздер!

Арал ауданы әкімдігінің баспасөз қызметі