Толқын Tolqyn.kz ақпараттық агенттігі
» » » Елордада Күләш Байсейітованың 110 жылдық мерейтойы атап өтілді

Елордада Күләш Байсейітованың 110 жылдық мерейтойы атап өтілді

XXVI концерттік маусым шымылдығы Еркеғали Рахмадиев атындағы МАФ Қазақ оркестрі ұйымдастырған қазақтың аты аңызға айналған күміс көмей әншісі Күләш Байсейітованың 110 жылдық мерейтойына арналған «Бұлбұл» атты концертімен ашылды, деп хабарлайды Egemen.kz елорда әкімдігінің сайтына сілтеме жасап.
Кеш бағдарламасында Динаның «Әсем қоңыр», Жамбылдың «Күләшқа» әні, Евгений Брусиловскийдің «Қыз Жібек» операсынан «Гәкку», Латиф Хамидидің «Қазақ вальсі» мен «Бұлбұл», Мұқан Төлебаевтың «Біржан мен Сара» операсынан айтыс, «Абай» операсынан Ажар ариясы, «Қыз Жібек» операсынан «Шегенің термесі» орындалды.

«Концертте Қазақстан Республикасының Еңбек сіңірген қайраткерлері – Арайлым Рахымқызы, Светлана Айтбаева, Сүндет Байғожин, Бибігүл Жанұзақ, «Дарын» мемлекеттік жастар сыйлығының лауреаты – Алтынбек Әбілда, Халықаралық және республикалық байқаулардың лауреаттары – Феруза Рахметова, Әйгерім Аманжолова, Әйгерім Ораз, Талғат Аллабиринов, Ботагөз Тәшімова да өнер көрсетті», делінген хабарламада.
Қазақ оркестрінің бас дирижері – Қазақстан Республикасының еңбек сіңірген қайраткері, «Парасат» орденінің иегері, профессор Айтқали Жайымов. Дирижер – мәдениет қайраткері Нұрлан Бекенов.
20 қыркүйек 2022 ж. 1 629 0