Аралда белгілі әнші Бахтияр Тайлақбаевтың шығармашылық кеші өтті

Кеше аудандық мәдениет үйінде Сыр елінің тумасы, әнші, Қазақстан Республикасының еңбек сіңірген артисі Бахтияр Тайлақбаевтың шығармашылық қызметіне 40 жыл толуына орай ән кеші өткізілді.

Кешке Бақтияр Байқараұлымен қоса, елімізге белгілі Өктем Алтаев, Абай Бегей, Тахмина Әшімбекова сынды ән әлемінің серкелері Арал өңіріне табан тіреп, өнерімен өңір халқын тағы бір сусындатты.

Мерекелік шараға аудан әкімінің орынбасары К. Бержанов қатысып, қалың бұқараның ыстық ықыласына бөленіп жүрген өнер иесінің айдынды өлкеге арнайы келгендеріне алғыс білдіріп, шығармашылықтарына сәттілік тіледі.

Концертте жиналған көрермен есті әндерді өнер иелерімен бірге шырқаса, эстрада жұлдыздары құрмет-қошеметке ие болды.