Толқын Tolqyn.kz ақпараттық агенттігі
» » » "Әр өлеңі – бір әлем" атты әдеби кеш өтті

"Әр өлеңі – бір әлем" атты әдеби кеш өтті

9 ақпан - қара өлеңнің қағаны, мұзбалақ Мұқағали Мақатаевтың туған күні. Ақиық ақын көзі тірі болса 93 жасқа толар еді. Қысқа ғұмырында артында том-том туынды қалдырған талант иесінің есімі ел жүрегінде мәңгі қалары сөзсіз. Өйткені жыл сайын халық оның өлеңдерін жатқа оқып, еліміздің түкпір-түкпірінде әдеби кештер өткізеді.
Атаулы күнде аудан ұстаздары мен оқушылары да құр қалмады. Ұзақбай Қараманов атындағы №262 мектеп-гимназиясында «Әр өлеңі - бір әлем» тақырыбында ұйымдастырылған әдеби кешке қала мектептері мен қалаға жақын орналасқан ауылдардағы білім ұялары қамтылып концерттік бағдарлама қойылды. Онда оқушылар ақынның өлеңдерін жатқа оқып, өмірінен сахналық қойылымдар қойды. Ән айтылып, ерекше естеліктер баяндалды.
Кеш соңында шараға белсене қатысқан оқушылар мен ұстаздарға алғыс хаттар табысталды.
"Толқын" ақпарат
12 ақпан 2024 ж. 864 0