Жалаулы 70 жасың құтты болсын!

(Құрметті ақын інім Толыбай Абылаевқа)

                        Жырлаған отты жырмен елдің жайын,

                        Армысың, асыл інім Толыбайым.

                        Жалаулы 70 жасың құтты болсын,

                        Өзіңдей өр ақынға төрім дайын!

                        Теңіздің түлеп ұшқан тереңінен,

                        Аққанат ақ сұңқарға теңедім мен.

                        Халқына рухани қуат берген,

                        Айналдым елді сүйген жүрегіңнен!

                        Рухани жаңғырып ой мен сана,

                        Арал толып, бақ шамы жанса жаңа.

                        Мақсатқа жеткеніміз, әз халқымның,

                        Өз байлығы өзінде болса ғана.

                        Жолатпай тоғышар ой-аласаны,

                        Өр тұлға  биіктермен санасады.

                        Жасай бер, ұрпағыңмен рухтасым,

                        Туған ел сендей ермен жарасады!

                        Тәлім ап өнеріңнен өнегелі,

                        Талантты жас ұрпақтар кемелденді.

                        Жаза бер, болашақтың көшін бастап,

                        Толтырып қазынаға жыр-кемеңді!

Мұрат Сыдықов,

күйші-композитор, жыршы-ақын