Толқын Tolqyn.kz ақпараттық агенттігі
» » » 10 мыңның азық-түлігі

10 мыңның азық-түлігі

Асан мектепті бітіріп, қалаға оқуға кетеді. Төрт жылдық оқуын бітіріп, абырой болғанда сол оқу орнының үздік түлектерінің бірі атанып, сол жерге жұмысқа орналасты. Осылайша 10 жыл уақытты үйінен тыс жерде өткізді. Ауылын сағынып келген Асанға анасы:
– Балам, мен базарға барып, азық-түлік ала келейін, – деп кеткен болатын. Одан бері де 2 сағатқа жуық уақыт кетті. Анасына алаңдаған Асан телефон шалып:
– Анашым, қайдасыз? – деді.
– Үйге қайтып келемін, балам. Не болды, аманшылық па?
– Ұзақ айналғасын сұрағаным ғой. Бұрындары мұндай көп кешікпейтінсіз.
– Әй, балам-ай. Ертеде "адам қартайған сайын қуаты қайтады" дейтін еді. Менікі керісінше артып бара жатыр-ау. Ол кезде 10 мың теңгеге азық-түлік алсам, таксимен қайтушы едім. Ал қазір 10 мыңның азық-түлігін қиналмай көтеріп, жаяу жүре беретін болдым, – деген екен

О. ЖОЛДАСОВ
Фото: naryntany.kz

11 ақпан 2024 ж. 907 0