Ауыл жастары мешіт имамына жаңа тұрғын үй салуда

   Ауыл жастарының бірлігі мен игі іске деген құлшынысын бұрыннан білетінмін. Осы талабына қанат бітірген бұл жылда атқарылған іс шыныменен көңілді марқайтып-ақ тастады. Ескі мектеп алдындағы спорт алаңын өз күштерімен жөндеуден өткізген жастар өткен жылы «жастар алаңын» салып, пайдалануға берсе, бүгінгі таңда ауыл басшылығы тара­пынан алаңды жарықтандыру жұ­мы­сы толықтай іске асқан.   «Қайырымдылық жасасаң, қайы­рын өзің көресің» демей ме?! Аман­өткел­діктер бұл тәмсілді бір сәт ойдан шығарған емес. Биылғы ораза айында имандылықты насихаттаған ауыл жастары қайырымдылық шараларын өткізіп, 26 отбасыға 450 000 теңге көлемінде азық-түлектен көмек жа­са­ды. Ал ауыл мешітінің имамына мешіт­тің жанынан жаңа тұрғын үй салып жатыр. Жақын арада пайда­лану­ға беріледі. Мұнан бөлек, қайы­рым­дылық шарасы аясында бір үй­дің төбесін жаңартып, енді бірінің терезесін жаңалауға көмек көрсеткен жастарға ауыл адамдарының алғысы шексіз. Оны А.Киікбаеваның сөзінен анық байқадық.
   – Бәріміздің үмітіміз жастарда. Жастайынан жағымды іске әуес болған бала есейіп, ержеткенде ел­дің перзенті боларына сенеміз. Ауыл үшін аянбай жүрген жастардың қайырымдылығын көргенде көңіліміз көкке жетеді. Алғыс айтып, бата бер­ген­нен басқа айта­рымыз жоқ, – дейді.
   «Баталы ер арымас» деген ғой. Жастарға біз де тілекші болдық.

О.Жолдасов.