ӘКІМ ЕСЕБІ: РАЙЫМДА КӘСІПКЕРЛІК ҚАНАТ ЖАЙЫП КЕЛЕДІ

Елбасы Жолдауынан туындайтын мәселелерді және бағдарламаларды жүзеге асыру мақсатында ауылдың әлеуметтік-экономикалық дамуында біршама жұмыстар атқарылған. Бұл жайында аудан әкімі Мұхтар Оразбаевтың Райым ауылдық округіндегі кезекті есепті жиынында баса айтылды.Ауыл тұрғыны Сағатов Архат 900 мың теңге қайтарымсыз несие грантын ұтып алып «Наубайхана» ашу үшін құрылыс жұмыстарын бастауда.
Сонымен қатар, «Қызылорда өңірлік инвестициялық орталығынан» жеңілдетілген бағдарламамен 3 ауыл тұрғыны несие алып, мүйізді ірі қара және жылқы малдарын өсіруде. 
Ауылдық округке қарасты Қызылжар, Шөмішкөл ауылының тұрғындары ауыз сумен толықтай қамтылған.
Округ бойынша 2018 жылы «Арал-Қызылжар бағытындағы 6,4 шақырым автомобиль жолының екінші кезеңіне облыстық бюджеттен қаржы бөлініп, 2,5 шақырымы жөнделіп пайдалануға берілді.
Өткел қайығын қалқымалы көпірмен алмастыру жұмыстары толығымен аяқталып, ел игілігіне берілді. Қызылжар ауылдық мәдениет үйіне аудандық бюджеттен жылыту қазандығы, электро-генераторы алынды.
«Туған жерге тағзым» бағдарламасы аясында Арал ауданынан шыққан, кәсіпкер ауылдық мәдениет үйінің сахнасын өз қаржысымен толықтай жаңаша безендіріп, ауыл жастарына спорттық киімдерін сыйға тартты.
Округте 2018 жылдың басында 24 кәсіпкер болса, 32 кәсіпкерге толықты.
Ауыл тұрғындары жалпы өткен жылы жергілікті атқарушы органдардың тарапынан ауданымызда әлеуметтік – экономикалық дамуы бағытында атқарылған айтарлықтай нәтижелі жұмыстарға оң бағасын берді.