ХАЛЫҚҚҚА ҚЫЗМЕТ – МЕРЕЙЛІ МІНДЕТ!

Бейбіт бәсекеде жұлдызы жарқыраған кез-келген өркениетті елде мемлекеттік қызметкердің атқаратын рөлі ерекше екені белгілі. Өйткені, мемлекеттік қызметші – биліктің биік бейнесін танытып, іскерлік қабілетін көрсететін тұлға, мемлекеттік саясатты алға жылжытатын қозғаушы күш болып табылады. Бүгін аудандық мәдениет үйінде мемлекеттік қызметшілер күні мерекесіне орай салтанатты жиын болып өтті. Салтанатты жиында аудан әкімі Мұхтар Әуесұлы мемлекеттік қызметшілерді мерекелерімен құттықтап, мемлекеттік басқарусыз кез-келген қоғамның бірлігі бекемделіп, әлеуеті артып, тұрақты дамудың даңғыл жолына түсуі мүмкін емес. Осыдан-ақ, мемлекеттік қызметтің жауапкершілігі мол, ауыр да абыройлы, мәртебелі міндет екенін айқын екендігіне атап өтті.
Сонымен бірге, жиын барысында ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысының және аудан әкімінің алғыс хаттарымен мемлекеттік қызметте өзінің біліктілігімен, іскерлігімен өнеге көрсетіп жүрген бір топ сала майталмандарына құрмет көрсетіліп, мемлекеттік қызметке қабылданған жас мамандарға куәлік пен ауданға қарасты Райым және Қарақұм ауылдық округ әкімдеріне қызметтік автокөліктердің кілті табысталды.
Мерекелік шара одан әрі аудандағы жас мемлекеттік қызметшілер мен көркемөнерпаздарының концерттік бағдарламасына ұласты.