Толқын Арал аудандық қоғамдық-саяси газет
» » ӘДЕП НОРМАЛАРЫ ЖӨНІНДЕ КЕЛЕЛІ КЕЗДЕСУ

ӘДЕП НОРМАЛАРЫ ЖӨНІНДЕ КЕЛЕЛІ КЕЗДЕСУ

Мемлекеттік қызмет – абыройлы міндет. Мемлекеттік қызмет жолын таңдаған азамат әрбір ісіне аса зор жауапкершілікпен қарағаны жөн-ақ. Сәл нәрседен мүлт кетсе, ол оның абыройы мен атқарған жұмысына сын болары анық. Осы орайда, күні кеше Арал ауданы әкімдігінде Қызылорда облысы әкімі аппаратының Әдеп жөніндегі уәкілі Ідірісов Бақытжан Жеткерұлының қатысуымен арнайы кездесу болып өтті. Әдеп жөніндегі уәкілд арнайы жұмыс сапары барысында аудан әкімі аппаратының мемлекеттік қызметшілерімен кездесіп, олар қойған сұрақтарға жауап берді.
Мемлекеттік қызмет атқару қоғам мен мемлекет тарапынан ерекше сенім білдіру болып табылады және мемлекеттік қызметшілердің моральдық-этикалық бейнесіне жоғары талаптар қояды. Сондықтан да, әдеп нормаларын сақтау мемлекеттік қызмет жүйесінде ерекше орын алады. 
Осы бағытта арнайы кездесу өткізген облыс әкімі аппаратының басшысы Б.Ідірісов ең алдымен мемлекеттік қызметтің маңыздылығына тоқталып, қызметкерлерге артылар міндеттерді түсіндірді. Сонымен қатар, мемлекеттік қызметтің беделін арттыру, мемлекеттік қызметшілерге деген халық сенімін нығайту мәселелері жайында жан-жақты әңгіме қозғады.
Сонымен қатар, «Әдеп кодексі» мемлекеттік қызметшілердің моральдық-этикалық келбетіне ғана емес, олардың жұмыс және жұмыстан тыс уақытта өзін-өзі ұстау стандарттары туралы да кең көлемде мағлұмат беріп өтті. 
Мемлекеттік қызметшілер бас қосқан отырыста одан әрі қызметкерлердің көкейлерінде жүрген сұрақтарына сәйкес ситуациялық мысалдар келтіріліп, қолданыстағы заң нормаларына сай тиісті жауаптар ортаға салынды. 
Иә, еліміздің ертеңі бүгінгі мемлекеттік қызметшілердің адамдық парасаты мен ар ождан және кәсібилігіне байланысты болғандықтан, «Біздің міндет - халыққа қызмет» - деп Елбасы белгілеп берген ұран аясында елге деген адалдықтың ақ туын абыроймен ұстану баршамызға ортақ міндет екені хақ.
05 мамыр 2018 ж. 744 0