Қытай жағалауында балық аулайтын кеме теңізге батып кетті, 8 адам қаза тапты

Балық аулайтын кеме Чжэцзян провинциясының Шығыс Қытай теңізінде батып кетті. Өңірлік іздестіру-құтқару қызметінің айтуынша, кеме бортында 20 адам болған, деп хабарлайды ҚазАқпараттың меншікті тілшісі.

Теңіздегі аймақтық құтқару орталығына апат дабылы жексенбі күні таңертең, Бейжің уақытымен 04:28 кезінде келіп түскен. Кеме Чжэцзян провинциясының жағалауынан 100 миль қашықтықта батып кетті.

Таңғы сағат 08:00-де сегіз адамның мәйіті табылды, экипаждың бес мүшесі құтқарылды. Іздеу жұмыстары жалғасуда, оған жергілікті жағалау күзеті, құтқару қызметтері, осы аймақтағы балық аулау шхуналары қатысып жатыр. Оқиғаның себептері туралы ақпарат жоқ.

inform.kz