Түркияда әскери ұшақ құлады

Түркияның орталық бөлігінде орналасқан Конья қаласының маңында «Түрік жұлдыздары» әскери ұшқыштар тобының жойғыш ұшағы апатқа ұшырады. Бұл туралы РИА Новости хабарлады.Sabah газетінің хабарлауынша, әскери ұшақ оқу-жаттығу кезінде апатқа ұшыраған.

Сондай-ақ бастапқыда F-16 жойғыш ұшағы апатқа ұшырады деп хабарланған, бірақ кейінірек Northrop F-5 жойғыш ұшағы апатқа ұшырады деген ақпарат пайда болған.

Кейінірек Түркияның Қорғаныс министрлігі ұшақтың апатқа ұшырағанын растады.

Коньяда оқу-жаттығу кезінде Түркия әуе күштеріне тиесілі ұшақ белгісіз себеппен сағат 14:15-те (Мәскеу уақыты бойынша) құлады. Тергеу басталды, - делінген Қорғаныс министрлігінің Twitter-де.

Түрік әскери бөлімі ұшқыштың да қаза болғанын растап отыр.

Түркия президенті Тайып Ердоған Twitter парақшасында қаза тапқан ұшқыштың отбасына көңіл айтты.

baq.kz