Apple компаниясы iPhone 6 Plus смартфонын басқа үлгілерге тегін ауыстырып жатыр

Apple компаниясы iPhone 6 Plus смартфонын басқа модельдерге тегін ауыстырып жатыр. Бұл қолданушылардың аталған смарфтон моделінің аккумуляторын жиі ауыстыруға тура келетінін айтып шағымдануымен байланысты болуы мүмкін,  деп хабарлайды MacRumors басылымына сілтеп Stan.kz.

АҚШ-та iPhone 6 Plus смартфондарын iPhone 6s Plus үлгісіне тегін ауыстырып алуға болады.

Хабарланғандай, қолданушыларға смарфтонын тек наурыз айына дейін ауыстыру мүмкіндігі берілген. Олар құрылғыларының қызметіндегі ақауға, әсіресе аккумуляторына байланысты мәселемен жөндеу орталықтарына барып, жаңа смартфонға ауыстыра алады.

Соңғы уақытта клиенттер iPhone 6 Plus смартфонының аккумуляторын ауыстыру үшін Apple орталықтарына жиі бара бастаған. Ал компания аталған үлгідегі смартфонға аккумулятор шығарылуын тоқтатқан.

Естеріңізге сала кетсек, бұған дейін Apple ескі үлгідегі iPhone смарфтондарының жұмыс жылдамдығын әдей баяулатқанын мойындаған еді.