Қытайда коронавирус індеті қайта өршіді
Соңғы бір тәулік ішінде елдің құрлықтық бөлігінде 2281 жаңа жағдай тіркелген. Бірқатар қалалар карантинге жабылды.
Синьхуа агенттігінің мәліметінше, елдегі эпидахуалдың нашарлауына байланысты індетпен күрес және оның алдын алу жұмыстары күшейтілген.1-22 наурыз аралығында елдің солтүстік-шығысында орналасқан Цзилинь провинциясының өзінен 22000 жаңа жағдай анықталған.
ҚХР мемлекеттік денсаулық сақтау комитеті де елдің құрлықтық бөлігінің өзінде бір тулікте 2281 адам ауру жұқтырғанын айтты. Тағы коронавирустың симптомсыз түрімен ауырған 2432 адам анықталған.
baq.kz
