Грузияда қарулы адам банк тонамақ болған
Кутаисидегі Руставели көшесінде арнайы операция өтіп жатыр, деп хабарлайды Egemen.kz.Rustavi 2 телеарнасының хабарлауынша, 20 қыркүйек күні «Грузия Банкіне» қарулы адам кірген. Оқиға кезінде банкте шамамен 10 адам болған. Полиция қызметкерлерінің айтуынша, олар әлі де ғимарат ішінде.
Грузия ІІМ-нің хабарлауынша, шабуыл туралы хабар түскен бойда полиция қызметкерлері оқиға орнын дереу қоршап алған.
«Жергілікті жерге жұмылдырылған құқық қорғау органдарының қызметкерлері барлық қажетті және шұғыл шараларды қабылдайды. Тергеу-жедел іс-шаралары жүргізілуде», деп хабарлады Грузияның ішкі істер министрлігі.
