Қырғызстанда елден автокөлікпен көмір шығаруға мараторий жарияланды

Қырғызстанда көмірді елден тыс жерлерге автокөлікпен шығаруға уақытша тыйым салынды, деп хабарлайды ҚазАқпарат тілшісі Қырғызстан Республикасы Министрлер кабинетінің сайтына сілтеме жасап.

Бұл шектеулер «Иркештам автожолы» және «Торугарт автожолы» қырғыз-қытай мемлекеттік шекарасындағы өткізу пункттерінде орнатылды. Қабылданған шешім контрабанда фактілерін қысқарту және көмір экспортын сенімді есепке алу мақсатында жасалды.

Қырғыз Республикасының Көлік және коммуникация министрлігіне, Мемлекеттік кеден және шекара қызметтеріне шешімді орындау бойынша қажетті шараларды қабылдау тапсырылды. Тыйым алты ай мерзімге енгізілді.