Толқын Tolqyn.kz ақпараттық агенттігі
» » Бүгін - Қырғызстанда ұлттық аза тұту күні

Бүгін - Қырғызстанда ұлттық аза тұту күні

Бүгін, 19 қыркүйек Қырғыз Республикасында Президент Садыр Жапаровтың Жарлығымен қаралы күн болып жарияланды, деп хабарлайды Egemen.kz Халықаралық Түркі академиясына сілтеме жасап.

Жарлыққа сәйкес, ұлттық аза тұту күні елдің барлық аумағында, сонымен қатар шет елдердегі дипломатиялық және консульдық мекемелерде Қырғыз Республикасының Мемлекеттік туы төмен түсіріледі. Бұдан бөлек, мәдени ұйымдар мен телеарналардағы ойын-сауық бағдарламалар уақытша тоқтатылады.

Айта кету керек, 14-17 қыркүйек аралығында Баткен облысы аумағындағы мемлекеттік шекараның қырғыз-тәжік телімінде болған қарулы қақтығыс салдарынан Қырғыз Республикасы тарапынан 59 адам қаза тауып, 144 азамат жарақат алған.

Қазіргі кезде шекарадағы әскери қақтығыстар тоқтатылған.
19 қыркүйек 2022 ж. 326 0