Әлемдегі ең «кәрі» ит Гиннестің рекордтар кітабына енді
Боби деп аталған әлемдегі ең ұзақ өмір сүрген ит Гиннестің рекордтар кітабына енді, деп хабарлайды BAQ.KZ.Daily Mail басылымының жазуынша, португалиялық төбеттің жасы 30 жыл және 267 күнді құрайды. Боби 1992 жылы 11 мамырда туған.
Отбасы мүшелері оның ұзақ өмір сүруінің құпиясы – төбеттің табиғат аясында, ауылдық жерде бейқам өмір сүруінде деп отыр.
Боби тамақ ішкенді жақсы көретін болып шықты. Әдетте ол қожайындары жеген тамақтан жейді. Бобидің иесі Леонель Коста иттің көру қабілеті мен жүруінде қиындық барын айтты.
1992 жылы Боби Лейрия муниципалитетінің ветеринариялық-медициналық қызметінде тіркелген. Ұйым Бобидің сол уақытта туғанын растады.
