Төтенше жағдай жарияланды

Қытайдың Төтенше жағдайлар министрлігі сейсенбі күні Аньхой, Хэнань және Хубэй провинцияларындағы төмен температура мен қардың мол түсуіне байланысты 4-ші деңгейдегі төтенше жағдай режимін іске қосты, деп хабарлайды Синьхуа ақпарат агенттігі.

Табиғи апаттардың алдын алу, азайту және бақылау жөніндегі мемлекеттік комитет апаттың алдын алу және төтенше жағдайларды жою жұмыстарына көмектесу үшін үш провинцияға жұмыс топтарын жіберді, деп хабарлады министрлік.

«Көктем мерекесінен кейін жолаушылар тасымалы көп болатынын ескере отырып, бірқатар аймақтарға аязды жаңбыр мен қар жауады деп күтілуде, табиғи апаттардың қаупі салыстырмалы түрде жоғары», — деп хабарлады ведомстводан.

Министрлік тиісті аудандарда ауа райының өзгеруіне жіті назар аударуды, түрлі ведомстволар арасындағы үйлестіруді күшейтуді, төтенше жағдайларды жою күштерін күшейтуді және табиғи апаттарды жоюға алдын ала дайындалуды талап етті.

Орталық метеорологиялық станция сол күні қарлы боранға байланысты сары ескерту жариялады. Болжамға сәйкес, сейсенбіден жұмаға дейін елдің кей аймақтарында жаңбыр, бұршақ жаууы мүмкін.

Ақпарат көзі: kaz.inform.kz
Фото: ашық дереккөз