Лос-Анджелестегі өрттен қаза тапқандар саны артты

Калифорнияның оңтүстігін шарпыған орман өрті салдарынан кем дегенде 24 адам қаза тауып, оннан астам адам із-түзсіз жоғалып кеткен, деп хабарлайды Egemen.kz ABC News арнасына сілтеме жасап.

Лос-Анджелес округінің медициналық сараптама департаментінің соңғы мәліметтеріне сәйкес, 16 адам Итон Каньонындағы өрттен, ал 8 адам Палисадес өртінен қайтыс болды.

Қаза тапқандар санының артуы күтіледі.

Өрт сөндірушілер жалынның жойқын зардаптарын ауыздықтау үшін күресіп жатыр. Лос-Анджелес округінің халқы тығыз орналасқан ауданына мыңдаған құтқарушы жұмылдырылған. Палисадтардағы мыңдаған ғимараттарды қиратқан ең үлкен өрт небәрі 11 пайызға, ал Итон каньонындағы өрт 27 пайызға ауыздықталды.

Сурет: egemen.kz