Украина мен АҚШ делегациялары кездесті

Келіссөздерге қатысушылар олардың мазмұны туралы түсініктеме берген жоқ, алайда Украина қорғаныс министрі Рүстем Умеров кездесу өнімді өткенін мәлімдеді, деп хабарлайды BAQ.KZ.

Украина президенті Владимир Зеленскийдің басты міндеті – мемлекетіміз бен халқымыз үшін лайықты және ұзақ мерзімді бейбітшілікке қол жеткізу, яғни бүкіл Еуропа үшін. Біз мұны шындыққа айналдыру үшін жұмыс істеп жатырмыз, – деп жазды ол Facebook парақшасында.

Умеров жаңа кездесулер дүйсенбі күні жоспарланған-жоспарланбағанын нақтылаған жоқ.

24 наурызда Эр-Риядта Ресей мен АҚШ делегацияларының келіссөздері де өтуі тиіс. Ресей делегациясының Эр-Риядқа келгенін ТАСС агенттігіне ресейлік делегация жетекшісі, сенатор Григорий Карасин хабарлады.

Бастапқыда келіссөздер ішінара бітім жасау мақсатында “маятниктік дипломатия” форматында өтеді деп жоспарланған болатын – АҚШ делегациялар арасында делдалдық рөлін атқаруы тиіс еді. Алайда қазір келіссөздердің кезекпен жүргізілетіні анық болды, деп хабарлады AFP агенттігі.

Фото: baq.kz