Қырғызстанда алты минут ішінде екі жер сілкінісі тіркелді

Қырғызстанның Нарын облысында 5 маусым күні алты минутта 4,6 және 4,1 баллдық екі жер сілкінісі тіркелді. Бұл туралы Қырғызстан Ұлттық Ғылым Академиясының Сейсмология институты мәлімдеді, деп хабарлайды BAQ.KZ.

Бірінші жер асты дүмпуі жергілікті уақыт бойынша сағат 16:18-де, ал екіншісі 16:24-те тіркелді. Екі сейсмикалық оқиғаның эпицентрі Қара-Бұлақ ауылынан оңтүстік-шығысқа қарай шамамен 12 шақырым жерде орналасқан. Жер сілкіністерінің ошағы 17–20 шақырым тереңдікте жатқаны анықталды.

Қазіргі таңда зардап шеккендер туралы мәлімет жоқ. Тиісті қызметтер аймақтағы жағдайды бақылауда ұстап отыр.

Фото: ашық дереккөзден алынды

Бұған дейін, 5 мамыр күні Камчатка бұғазы акваториясында да 3,9 баллдық жер сілкінісі тіркелген болатын. Ресей Ғылым академиясының Геофизикалық қызметінің Камчатка филиалы ұсынған мәліметтерге сәйкес, бұл сейсмикалық оқиғаның эпицентрі Крутоберегово ауылынан оңтүстік-шығысқа қарай 86 шақырым жерде, ал ошағы 61 шақырым тереңдікте орналасқан.