Данияда 24 наурызда парламент сайлауы өтеді
Премьер-министр Метте Фредериксен Данияда парламент сайлауы 24 наурызда өтетінін жариялады, деп хабарлайды АЗЕРТАДЖ.Заңнамаға сәйкес дауыс беру 31 қазаннан кешіктірілмей өткізілуі тиіс. Алайда мандаттарды бөлудің икемді жүйесіне байланысты нақты күнін үкімет басшысы белгілейді.
Социал-демократтар, Либералдар және «Moderaterne» (Умеренные) партиясы қатысатын партияаралық негізде құрылған билеуші коалиция Гренландия төңірегіндегі дағдарыс аясында қоғамдық пікірде өз ұстанымын нығайтты.
Парламентте сөйлеген сөзінде М. Фредериксен үкіметтегі әріптестеріне алғыс айтып, қол жеткізілген нәтижелерді атап өтті.
Сайлауалды науқанның негізгі тақырыптары ретінде зейнеткерлік жасты арттыру және социал-демократтар ұсынған жаңа байлық салығын енгізу мәселелері қарастырылады деп күтіледі.
Сонымен қатар, наурыз айында Дания корольдігінің автономиялық бөлігі — Фарер аралдарында да сайлау өткізеді. Онда дауыс беру 26 наурызға белгіленген.
Бұған дейін Данияда жыл сайынғы ұлттық төтенше жағдайларға дайындық аптасы енгізілетіні мәлім болды. Бұл апта қоғамның барлық мүшелері өз рөлін түсініп, төтенше жағдайларға дайындықты тереңірек түсінуіне көмектеседі.
Фото: Азертадж
