Қарыз медиация тәртібімен өндірілді

   Арал аудандық сотында талап қоюшы Т-ның жауапкер Д-дан берешек қарызын өндіруді сұраған азаматтық ісі медиация тәртібімен реттелді. Іс құжаттарына сәйкес, жауапкер өткен жылдың күзінде талап қоюшыдан 50 000 теңге қарыз алып, 10 күн ішінде қайтаратыны жөнінде қолхат берген.  Алайда, жауапкер бұл міндетін орындамаған. Тараптар кәсіпқой медиатордың көмегімен келісімге келіп, жауапкер талап қоюшыға 50 000 теңге берешек қарызын және өкіл көмегіне төленген 5 000 теңгені ағымдағы жылдың қараша айының 30-на дейін төлеп құтылатын болып уағдаласқан.
 Сот ұйғарымымен дауды медиация тәртібімен реттеу туралы тараптар арасында жасалған келісім бекітіліп,  азаматтық іс өндірістен тоқтатылып,  мемлекеттік баж алымы талап қоюшыға қайтарылды.
 
 Арал аудандық сотының баспасөз қызметі