Желтоқсан-тәуелсіздіктің ұлы рухы

   12 желтоқсан күні Арал көпсалалы колледжінің № 1 «Маркетинг» оқу тобында«Желтоқсан-тәуелсіздіктің ұлы рухы» атты ашық тәрбие сағаты өткізілді. Тәрбие сағатында студенттерге егемендік туралы мағлұмат беріп, мемлекеттік рәміздерге терең тоқталу. Тәуелсіздік туралы терең мағлұмат беру. Ата-бабамыздың тәуелсіздік жолындағы ерлігін үлгі етіп, өз Отанын сүюге, еліне, халқына қызмет етуге тәрбиелеу. Еліміздің тәуелсіздігін атап өту қарсаңында ел тарихына шолу жасау. Тәуелсіз еліміздің жетістіктерімен таныстырып, білгендерін тереңдету.   Егемен еліміздің ең ұлық, ең қастерлі мерекесі – Тәуелсіздік күні. Тәуелсіздік туының желбірегеніне де, міне, 28 жыл толады. Тоғыз жолдың торабындағы алпауыт елдер қатарындағы алып мемлекетімізді әлем жұртшылығы құрметтейді. Елбасымыз Н. Ә. Назарбаев та Қазақстанның 28 жылда биік тұғырға көтерілуіне елеулі үлес қосқандығы туралы студенттерге толық мағлұмат берілді
   Сонымен бірге студенттер тәуелсіздік күні туралы өздерінің дайындаған  көркем сөздерін оқыды.

• Бақытбекова Ақбота -  «Тәуелсіздік елім»
• Нұғман Қарақат – «Қазақстаным – Отаным гүлдей жайнаған»
• Әлменова Ақниет – «Қазағымның тарихы жатқан аңыз»
• Сағитжанова Дидар – «Тәуелсіздік күні құтты болсын!»
• Құлмырзаева Жансулу –  «Көк тудың желбірегені» ән  орындады.

  Директордың оқу-тәрбие жұмыстары жөніндегі орынбасары Орынбаев Жұмабек ағай студенттенге ешқандай қиыншылық көрмей жүргендері және еліміздің бейбітшілігінің, тәуелсіздігінің арқасында күліп - ойнап, еркін білім алып жатқан ерікті елдің еркін ұландары екендігі туралы айтты.
   Тұңғыш елбасымыз Н. Ә. Назарбаев: «Алдымызда асу - асу белдер бар, ұлт жолында ұйтқи соққан желдер бар. Бел де талар, жел де беттен қағар. Бәріне төзу керек, бәріне көну керек, жас ұрпақ!»- деп айтқандай, біздер, жас ұрпақ, тәуелсіздігіміздің баянды болуы үшін жауапты екенімізді аға ұрпақ зор сенім артып отырғанын түсінуіміз керек. Бүгінгі партада отырған оқушы – ертеңгі азамат, ел патриоты екендігін айтып кешімізді қорытындылады.
№1 «Маркетинг» топ жетекшісі: Тажибаева Замзам Дайрабаевна.