Толқын Арал аудандық қоғамдық-саяси газет
» » Төтенше жағдай кезіндегі шаралар мен шектеулер

Төтенше жағдай кезіндегі шаралар мен шектеулер

Мемлекет басшысы Қ.Тоқаевтың 2020 жылғы 15 наурыздағы «Қазақстан Республикасында төтенше жағдай енгізу туралы» № 285 жарлығына сәйкес дүниежүзілік денсаулық сақтау ұйымының жаңа СОVID-19 коронавирусын пандемия деп жариялануына байланысты азаматтардың өмірі мен денсаулығын қорғау мақсатында Қазақстан Республикасының барлық аумағында 2020 жылғы 16 наурыздағы 08 сағат 00 минут пен 2020 жылғы 15 сәуірдегі 07 сағат 00 минут кезеңінде төтенше жағдай енгізілді.
Осы ретте, мемлекет басшысының жарлығымен бекітілген төтенше жағдай кезеңіндегі шаралар мен шектеулердің нұсқаулықтарын орындау мақсатында аудан әкімдігі жанынан жұмысшы топ құрылып, қаладағы кәсіпкерлік нысандарға түсіндірме жұмыстарын жүргізді.
Арал ауданы бойынша Қазақстан Республикасының Президенті Қ. Тоқаевтың 15.03.2020 ж. «Қазақстан Республикасында төтенше жағдай енгізу» № 285 жарлығына сәйкес қабылданатын нұсқаулығы
Төтенше жағдай кезеңінде төмендегідей шаралар мен шектеулер енгізілсін:
Ірі сауда нысандары мен сауда ойын-сауық орталықтарының жұмыс істеуіне шектеу қойылады, олар сағат 10:00 ден 18:00ге дейін жұмыс жасайды (азық-түлік дүкендері мен супермаркеттерді қоспағанда);
Азық-түлік дүкендері, супермаркеттер мен азық-түлік базарлары санитарлық және дезинфекциялық шараларды күшейте отырып, әдеттегі режимде жұмыс істейді;
Киім-кешек базарлары сағат 11:00ден 17:00-ге дейін жұмыс жасайды. Санитарлық және дизенфекциялық шаралар күшейтіледі; Қоғамдық тамақтану орындарында, сауда ойын-сауық орталықтарындағы фуд-корттар дезинфекциялардан өтіп тұрады;
Мектептен тыс қосымша білім беру объектілерінің (оқушылар сарайы, шығармашылық сарайлары, аула клубтары, үйірмелер,секциялар, компьютерлік клубтар) қызметі тоқтатылды; сондай-ақ барлық спорт нысандары жабылды;
Кинотеатрлардың театрлардың, көрмелердің және көңіл көтеру орындарының (түнгі клубтар, караоке, барлар, моншалар, компьютерлік клубтар, фитнес орталықтар, жаттығу залдары, бассейндер) және көп жиналатын басқа да нысандардың қызметі тоқтатылды;
Мейрамханалардың, дәмханлардың және өзге де қоғамдық тамақтану орындарының жұмыс уақыты 22:00 сағатқа дейін шектелді, бұл ретте бір жолға адамдардың санын 50-ге дейін шектеу;
Дәмхана мен мейрамханаларда және т.б жерлерде кальяндарды пайдалануға тыйым салынады.
18 наурыз 2020 ж. 229 0