Баға тұрақтылығы бақылауда
Бүгін аудан әкімі Мұхтар Оразбаев төтенше жағдай кезінде баға тұрақтылығын қадағалау үшін орталық базар мен ірі сауда орталықтарын аралап, азық-түлік, ет, балық өнімдерінің сатылу бағаларын саралап шықты.Аудан басшысы одан әрі «KZ-MBK» ЖШС-нің ұн тарту комбинатында болды. Жергілікті жердің ұны мен жем өндірілетін бұл комбинатта «Аралым» ұнының 34 мың тоннаға жуық қоры сақталған. Тұтынушыларға 1 сұрыпты «Аралым» ұнының 1 қабы 6000 теңгеден сатылуда.Мұнан соң аудан әкімі «Жақсат и К» автобекеті кешені мен «Құдайберді» сауда орталығында аялдап, нысандағы санитарлық- дезинфекциялық тазалау жұмыстарын көрді.
Сонымен қатар, «ARZAN-FARM» дәріханасында барған аудан әкімі дәрі-дәрмек бағасының негізсіз өсуіне жол берілмеуі қажет екендігін дәріхана иелеріне ескертті.
Бірнеше сауда нысандарын аралаған аудан басшысы базар басшылығы мен тиісті сала жетекшілеріне азық-түлік тауарларының бағасын өсірмеу және тазалықтың сақталуын, залалсыздандыру жұмыстарын жүргізіп отыру жөнінде тапсырмалар жүктеді.
