Толқын Арал аудандық қоғамдық-саяси газет
» » Коронавирусты зерттеуде үлкен жаңалық ашқалы тұрған ғалымды атып кеткен

Коронавирусты зерттеуде үлкен жаңалық ашқалы тұрған ғалымды атып кеткен

Kyzylorda-news.kz. АҚШ-та қытай ғалымы Бин Лю өлтірілді. Ол Питтсбург университетінің медициналық орталығында CoViD-19 негізіндегі жасушалық механизмдердің жұмысын ашу үшін ғылыми зерттеулер жүргізген, деп хабарлайды Stan.kz.
Ғалымның айтуынша, ол коронавирусқа қатысты маңызды жаңалық ашу алдында тұрғанын айтқан. Ол өз үйінде өлі күйінде табылған, оның басына, мойнына және аяқ-қолына оқ тиген.
«Ол таңқаларлық зерттеуші болды. Бин Лю SARS-CoV-2 инфекциясының негізіндегі жасушалық механизмдерді түсіну үшін өте маңызды жаңалықтарды ашудың табалдырығында тұрды. «Біз Людің зерттеуін аяқтауға бар күшімізді саламыз және осылайша оның қызметіне баға береміз», – деді Питтсбург университеті.
Өлтіруші аз уақыттың ішінде табылды. Ол да өлі күйінде табылды. Бұл адам ғалымның танысы Хао Гу болып шықты. Тергеушілердің айтуынша, ол алдымен Люді атып, содан кейін ғалымның үйінің жанында өз-өзіне қол салған.
Полицейлердің анықтауы бойынша, кісі өлтіргеннен кейін Гу Людің үйінен 100 метр жердегі тұрақтаған көлігіне оралып, сол жерде өз-өзіне қол салған. Гудың не үшін ғалымды өлтіргені әлі де белгісіз.
Полиция ғалымның атқарып жүрген қызметі кісі өліміне себеп болуы мүмкін екенін жоққа шығармайды. Бірақ полиция сонымен бірге кісі өлімінің себебі оның жеке өмірінде жасырылуы мүмкін деген нұсқаны да жоққа шығармайды.

08 мамыр 2020 ж. 174 0