"Азық-түлік бағасын тұрақтандыру басты назарда."

Елімізде орын алған төтенше жағдай қарсаңында қабылданған талаптар мен азық-түлік өнімдерін тасымалдаушы кәсіпкерлерге қойылған шектеулерге орай базарлар мен сауда нысандарында азық-түлік қорлары азайып, кей өнім түрлерінің бағалары жоғарылаған болатын.Осыған байланысты, облыс және аудан әкімдіктері тарапынан тиісті шаралар қабылданып, алдын алу жұмыстары жүргізіліп, сауда сөрелерінде тауарлардың толымдылығы қалыптастырылып, бағалар тұрақты күнделікті бақыланып келеді.
Бүгінгі күні шектеу шаралары жеңілдетіліп, азық-түлік тасымалдаушы кәсіпкерлер өз жұмыстарына толық кірісіп, тиісті қорлар қалыптасып, бағалар да тұрақтанды. Ауданға Қостанай, Ақтөбе, Түркістан, Шымкент қалаларынан күніге 3-4 жүк көлігімен 50-60 тонна азық-түлік тасымалдануда.
Облыстық тұрақтандыру қорымен бірлесе отырып, С. Саяновтың "Әлеуметтік дүкеніне" азық-түлік бағасын тұрақтандыру мақсатында "Байқоңыр" ӘКК" АҚ-ның қорынан ұн, рошки, күріш, өсімдік майы (күнбағыс), қарақұмық жармасы, пияз өнімдері барлығы 19,5 тонна азық-түлікпен қамтылды.
Бөлім тарапынан аталған жұмыстар алдағы уақытта да жалғасын тауып, азық-түлік қоры мен бағалар бақылауда алынып, күнделікті мониторинг жұмыстары жүргізіліп келеді.