Қолдан жасалған арақтан 27 адам көз жұмды

Пандемия кезінде антисептикті сылтау етіп, этил спиртін тонналап жеткізіп жатқандар бар. Бірақ, олардың барлығы бірдей емдік мақсатта пайдаланылмайды екен.

5 литрлік пластик құтыға құйып, көпшілікке көлеңкелі кәсіппен сатып жатқан көрінеді. Сапасы төмен болса да, ішімдіктің дәмін татып, масайғысы келетіндердің көпшілігі оның ең алдымен бағасына қызығуда. Ғаламторда 2000-3000 теңгеге саудаланып жатыр. Құтысы үлкен болғандықтан көпшілігі жора-жолдастарымен бірігіп алып, бөліседі екен."Бірінші рет ішкен жоқ, қай жақтан алды? достарынан алды. Жолдастарымен ішкен ғой. Қаза тапты он адам. Көптен бері сатылмайды. Сондай болып шыққан ғой. Сондай попалось", - деді Ақмола облысының тұрғыны Әсем.
Мамандардың айтуынша елімізде 27 адам дәл осындай күмәнді ащы судан дәм татып көз жұмған. Мәселен Ақмола облысында 18 адам уланып, 12-і мерт болды. Ал, Қостанайда "этонолдан уланған" деген диагнозбен 13 адам жансақтау бөліміне жеткізіліп, олардың 11-і бақиға аттаныпты. Сараптама жүргізген мамандар сапасы стандартқа сай келмейтіндігін жеткізді.

alashainasy.kz