Толқын Tolqyn.kz ақпараттық агенттігі
» » Дау медиациялық келісімге келу тәртібімен реттелді

Дау медиациялық келісімге келу тәртібімен реттелді

Арал аудандық сотында талап қоюшы М-ның жауапкер Д-дан қарыз ақша өндіру туралы талабы сотқа дейінгі тәртіппен реттелді.Талап қоюшының талабына сәйкес, жауапкер 2018 жылдың 5 мамырында талап қоюшыдан қайтарып беретін болып 190 000 теңге қарызға ақша алған. Алайда ол, өз міндеттемелерін тиісті түрде орындамауына байланысты, талап қоюшы қарыз сомасын өндіру туралы талап арызбен сотқа жүгінуге мәжбүр болған.
Судья әңгімелесу барысында тараптарға дауды татуластыру рәсімі бойынша шешуді ұсынып, медиативтік келісім жасаудың артықшылықтары мен салдарын түсіндірген. Нәтижесінде тараптар дауды медиация тәртібімен реттеу туралы келісімге келген.
Медиативтік келісімге сәйкес, жауапкер талап қоюшыға берешек қарызын келісімде көзделген мерзімде төлеп құтылуға міндеттенген, ал талап қоюшы қойып отырған талабынан бас тартқан.
Сот ұйғарымымен медиативтік келісім бекітіліп, іс жүргізу өндірістен тоқтатылды. Төленген мемлекеттік баж алымдары талап қоюшыға қайтарылды.
Осылайша, талап арыз соттың іс жүргізуіне қабылданбай тұрып, дауласқан тараптар келісімге келіп, бұрыңғы қарым-қатынастарын сақтап қалған.
Арал аудандық сотының
баспасөз қызметі
21 қыркүйек 2020 ж. 439 0