Құрметті еңбек демалысына шықты

Бүгін аудан әкімі Мұхтар Оразбаевтың қатысуымен аудандық жылжымайтын мүлік орталығы-филиалының директоры қызметін атқарып келген Тынымбаев Жаңабай Қуандықұлын әріптестері құрметті еңбек демалысына шығарып салды.Еңбек жолын 1981 жылы ПМК-13 мекемесінде мастер, еңбекақы инженері болып бастаған Жаңабай Тынымбаев бірқатар негізгі салаларға басшылық жасап, 25 жыл бойы аудандық жылжымайтын мүлік орталығы-филиалының басшылығы қызметінде тынбастан тер төкті.

Жиын барысында аудан әкімі Ж.Тынымбаевтың қызмет жолындағы елеулі еңбегін тілге тиек етіп, елге жасаған қызметіне баға бере отырып, ауданды дамытудағы еңбегі үшін облыс әкімінің алғыс хаты мен аудан көлеміндегі ең үлкен марапат - Арал ауданының Құрмет грамотасын табыстап, қазақы дәстүрге сай иығына шапан жапты.

Өз кезегінде Жаңабай Қуандықұлы көрсетілген құрметке ризашылығын білдіріп, аудан басшылығы мен әріптестеріне алғысын жеткізді.

Арал ауданы әкімдігіінң баспасөз қызметі