"Nur Otan" партиясының Арал аудандық филиалында сайлауалды штабы ашылды

"Nur Otan" партиясының аудандық сайлауалды штабы ресми түрде ашық деп жарияланды. Штаб құрамына 13 адам кірді. Сонымен қатар, оның қатарында аудан тұрғындары арасында лайықты беделге және құрметке ие қызметкерлер мен мәслихат депутаттығына 36 кандидат енгізілді.

«Барша партияластар, әсіресе, кандидаттар сайлау науқанына белсене атсалысуы керек. Үгіт-насихат науқанының басты қағидасы –тұрғындармен тікелей және шынайы диалог орнатуға негізделген. Біздің сайлау науқанындағы басты ұранымыз – Қиындықты еңсеріп, жеңіске бірге жетеміз. Ол еліміз үшін күрделі кезеңдердегі қоғамымыздың басты біріктіруші мақсаты мен құндылықтарын көрсетеді.

Сонымен қатар, штаб жанынан біздің ауданның жас ұрпақтары арасында кең және белсенді үгіт-насихат жұмыстарын ұйымдастыруға арналған «Jas Otan» жастар қанатының белсенділері топтастырылған. Біз партия мен қоғам арасындағы кері байланысты нығайтып, азаматтардың талап-тілектерін жинауға тиіспіз», – деп атап көрсетті Талғат Қанатов.