Жақсықылыш кентінде оқу-жаттығу жиыны өтті

Террорлық әрекеттерден төнер қауіптің қаншалықты жоғары екенін білеміз. Осындай әрекеттердің салдарынан әлем елдерінде қаншама бейбіт тұрғындар мен балалар көз жұмуда. Сондықтан тұрғындардың қауіпсіздігі мен тыныштығы мемлекеттің басты назарында болу керек. Сондықтан тұрақты түрде сол әрекетке қарсы дайындық жасау қажеттігі туындайды. Оқу-жаттығу жиыны – қауіпті алдын алудың басты жолы.

Үстіміздегі жылдың 13 мамыр күні Арал ауданы, Жақсықылыш кентіндегі «Аралтұз» АҚ-ның ғимаратында «Аралтұз-Антитеррор-2021» оқу-жаттығуы өткізілді.

Оқу-жаттығу кезінде мұндағы қызметкерлер қауіпсіз жерге көшіріліп, жаяу жүргіншілер мен автокөлік қозғалысына уақытша шектеу қойылды. Сондай-ақ іс-шара барысында аудандық терроризмге қарсы күрес жедел штабының жұмысы мен жұмылдырылатын арнайы күш-құралдардың дайындығы және өзара іс-қимыл жоспары тексерілді.

Оқу-жаттығудың қорытындысы бойынша терроризмге қарсы күрес жөніндегі жедел штаб пен оның құрамындағы жедел топтардың қатысуымен жиын өткізіліп, террористік қауіп-қатерлерді жоюға бағытталған тиімді шаралар жүйесін әзірлеу пысықталды.