Азаматтық дау партисипативтік рәсім тәртібімен шешілді
Арал аудандық сотында талап қоюшы С.Г.-ден жауапкер Ж.А-нан қарыз ақша өндіру туралы азаматтық ісі партисипативтік рәсім (екі тараптың адвокаттарының жәрдемдесуімен тараптарды татуластырып, дауды реттеу) тәртібімен қаралды.Талап қоюшы С.Г. талап арызында, жауапкер Ж.А-дан қарыз ақшасын өндіруді сұраған.
Алайда, сот отырысында тараптар сотқа адвокаттарының жәрдемдесуімен татуласқандары туралы партисипативтік келісімді ұсынып, оны бекітуді сұраған.
Азаматтық процестік кодексінің 277-бабының 6-тармақшасына сәйкес, сот, егер тараптар дауды партисипативтік рәсім тәртібімен реттеу туралы келісім жасасса және оны сот бекітсе іс бойынша іс жүргізуді тоқтатады.
Осыған орай, сот ұйғарымымен дауды партисипативтік рәсім тәртібімен реттеу туралы келісім сотпен бекітіліп, іс бойынша іс жүргізу тоқтатылды.
Арал аудандық сотының баспасөз қызметі
