Ортақ мүлікті бөлу туралы дау партисипативтік рәсім тәртібімен реттелді

   Арал аудандық сотында талап қоюшы И-дың жауапкер Б-ға ортақ мүлікті бөлу туралы талабы бойынша азаматтық ісі қаралды.Талап қоюшы арызында, жауапкермен бірге тұрған уақыттары тұрғын үй сатып алғандарын көрсетіп, жылжымайтын мүліктен үлесін анықтап, ортақ мүлікті бөлуді сұраған.
  Істі негізінен қарау барысында, тараптар дауды партисипативтік рәсім тәртібінде реттеуге ниет білдірген.
Партисипативтік келісімнің шарттары бойынша, тараптар тұрғын үйді қайта жобалауға  қатысты қажетті құрылыс жұмыстарын жүргізу арқылы тұрғын үйді заттай бөліп тұруға, қажетті құрылыс шығындарын өзара тең үлеспен өтеуге келіскен.
  Партисипативтік келісімге екі тараптың адвокаттары қол қойып, сотқа бекіту үшін ұсынған.
  Осыған орай, сот ұйғарымымен дауды партисипативтік рәсім тәртібімен реттеу туралы келісім бекітіліп, іс бойынша іс жүргізу тоқтатылған.
Арал аудандық сотының баспасөз қызметі