Қызылордада 28 мыңнан астам адам «Pfizer» вакцинасын салдырды
Қызылорда облысында 28 мыңнан астам адам «Pfizer» вакцинасының бірінші компонентін салдырды.Осы уақытқа дейін аймақта барлығы 28172 адам «Pfizer» вакцинасының бірінші компонентін салдырды. Ал екінші компонентімен қамтылғандар саны – 14298 адам.
«Бүгінге дейін аталған вакцина салдырғандар арасында 12-17 жас аралығындағы жасөспірімдер саны басым. Олардың 18,4 пайызы екі компонетін де алып үлгерді. Ол жүкті әйелдер арасында бірінші компонентпен – 7,9, лактация кезеңіндегі әйелдер арасында 7,6 пайызды шамалайды», – деп мәлім етті Қызылорда облыстық Санитариялық-эпидемиологиялық бақылау департаментінің баспасөз хатшысы Айман Жанахаева.
kyzylorda-news.kz
