Жолдау жастардың болашағына бағыт-бағдар берді
Бүгін аудандағы колледж студенттерінің қатысуымен «Qaisar» диалог алаңы өткізілді. Жиында биылғы Жолдаудың басты міндеттері түсіндірілді. Аудандық штаб мүшелері колледж студенттеріне Жолдаудағы білім беру жүйесіне байланысты жүзеге асырылуы тиіс басты мақсаттарды мәлімдеді. Білім алушыларды ерекше қуантқан бастамалардың қатарында жылдық өсімі 2-3 пайыз болатын несиенің берілуі, студенттерді жатақханамен қамтамасыз ету болды. Кездесуге келген колледж студенттері бірауыздан Жолдау міндеттерінің орындалуы арқылы сапалы білім алып, ел болашағының жарқын болуына үлес қосатынын жеткізді.
"Толқын" ақпарат
