Толқын Tolqyn.kz ақпараттық агенттігі
» » Жастар құқығын заң қорғайды

Жастар құқығын заң қорғайды

tolqyn.kz Кеше Сазды ауылы, Ж. Түменбаев атындағы №60 орта мектебінде білім беру ұйымдарында құқық бұзушылықтың алдын алуды түсіндірудің бірлескен жұмыс жоспарына сәйкес құқық бұзушылықтың алдын алу профилактикалық шараларын ұйымдастыру, кәмелетке толмағандар арасында құқық бұзушылық және қылмыс, нашақорлықтың алдын алу, интернет қауіпсіздігі мен суицид, зорлық – зомбылық, ерте жүктіліктің алдын алу бағытында ақпараттық – танымдық біліммен қамтамасыз ету шараларының аясында құқық қорғау органы қызметкерлері және сала мамандарымен кездесу өткізілді.Кездесу барысында қазіргі таңдағы жасөспірімдер арасындағы мәселелерге кеңінен тоқталып, заң талаптары баяндалып, қазіргі таңда орын алып жатқан жасөспірімдер арасындағы қылмыстық іс-әрекеттердің алдын-алу жолдарын таныстырып, құқық бұзған жасөспірімдерге қолданылатын шаралар және жазалар жайлы мағұлмат берілді.
Сондай-ақ, жастар арасында әлімжеттік пен құқық бұзушылықтын алдын алу, «Кәмелетке толмағандардың арасындағы құқық бұзушылық профилактикасы мен тұрмыстық зорлық-зомбылықтың алдын-алу», білім алушылар арасында жаман әдетке үйір болмау, түнгі рейдтер туралы, ішкі тәртіпке бой ұсыну, темекі, ішімдік сияқты заттардан аулақ болу, бір-біріне үстемдік жасамау сияқты жаман әдеттердің алдын алу тақырыбында оқушылармен еркін әңгіме жүргізілді.
Кездесуге, Арал АПб-нің ЖПҚб-нің ЮПт-ның аға инспекторы полиция майоры А.Сермағанбетова; АПб-нің ЖПҚб-і «Әйелдерді зорлық-зомбылықтан қорғау тобының инпекторы, полиция майоры Г.Есенжолова; АПб-нің ЖПҚб-і учаскелік полиция инспекторы, полиция капитаны Ж.Төребай; сонымен қатар, әкімшілік заңгері Қ.Кәрібаев, медициналық пункт мейірбикесі Л.Жанысова, мектеп директоры Р.Елдесбаев, директордың тәрбие ісі жөніндегі орынбасары Н.Жамашова және ата-аналар мен жоғары сынып оқушылары қатысты.
25 қараша 2022 ж. 355 0