Төрелер салған тура жол керек

Сыбайлас жемқорлық тек біздің мемлекетте ғана емес, бүкіл әлем бойынша күрделі мәселеге айналды. Дамушы елдердің дертіне айналып, қаражат пен құзірет пайда болған жерді төңіректейтін бұл кеселдің алдын алуға мемлекет тарапынан барлық жағдай жасалғанмен шынайы ниеттің жоқтығы көп жерде өз кедергісін тигізуде. «Береген қолым алаған» деген пыйғылда күн кешіп, қашан, қай жерден мүмкіндік туады деп тіленіп отыратын жандардың мұндай әрекетімен келешегіне балта шауып отырғаны түсінсе дейміз.

Әрине қара қылды қақ жарған, туралығымен туғанына жақпаған төбе билердің дәуірінде де мұндай келеңсіздіктің кездесіп тұрғаны ақиқат. Пендешілікке барып, пұл пен пайданы ойлаған жұмырбастылардың қоғамға жасаған қиянатын бұрынғы бабаларымыз да кешпеген. Соған сай алатын жазасын ел болып ойластырып, өзгелерге сабақ болатындай үкім шығарған. Және оны көпшілік қауымның немесе төрелер мен бидің алдында жүзеге асырған. Мемлекет дамуына кері әсер етіп, қоғамның кесіріне айналған мұндай қылмыстың жолын кесуді қазір де қолға алып келеміз. Алайда оны түп тамырымен жойдық деуге келмейді.

Иә, ақын-жазушыларымыз да бүгінгі ұрпаққа жат қасиеттерді дәріптеп, әділдікті ту ететін ұрпақ қалыптастыру жолында біршама еңбектер қалдыраған. Сыбайлас жемқорлық жайлаған мемлекеттің экономикалық жүйесінің қауіпсіздігі мен тұрақтылығына, оның дамуына кері әсерін тигізетіні белгілі. Сондықтан мұндай кеселдің тамырына балта шабамыз десек, барлығын алдымен өзімізден бастауымыз керек. Сонда барып, әділдік пен ашық қоғам қалыптасып, жаңа Қазақстанның жарқын жолы тың өзгерістерге бастап, енді бір 20-30 жылда барлығы басқаша бағытқа бет алады деуге болатын шығар.

С.Матаев,

Жетес би ауылдық округі әкімі аппаратының бас маманы